一個月一次，問你攰未

依幾年嚟都唔知犯咗咩太歲，鬧咬好似啲月事咁一個月更有一次。就好似依排個天氣咁時好時壞。自從六月頭又勁吵一鑊之後，大家正處於冷淡嘅狀態，都好似冇咩計傾，一日都講唔到十句嘢。原來咁多年嘅相處大家都喺一舊雲，咁陌生，唔知沈默喺唔喺可以繼續渡過依段日子呢?

揀男朋友/老公就好似入咗間賭場想賭一舖，望渾全場揾到一張枱就嗱嗱啉坐低落注碼，博一博。曾幾何時有位J朋友問過我，有冇後悔過結婚，當時我嘅答案喺結婚就好似買大細一樣，都喺博一舖啫。可惜我冇諗過個張枱嘅賠率呢!就算比你贏咗原來個賠率喺少過一賠一，真喺浪費時間同精神又傷身。