skip to main |
skip to sidebar
唔知點解每到月尾日子就會比人激到好唔開心，真喺準過個個月都嚟探訪嘅親戚。星期日晚比個位德sir激到爆燈，打爆個電話都接唔通，明知已經嬲到爆炸嘅我連同我講一聲sorry都冇。
個細仔星期二就開始測驗，重懶懶閒掛住玩，真喺皇帝唔急太監急。捉住佢温書就好似要佢上刑台咁，一個鐘先温到一板 (真喺嘔哂血)。由於前晚比德sir激襯，心情好差，我真喺驚自己控制唔住會出手車埋去。
終於用咗兩晚時間煲哂成套”深情密碼”(共28集)。 尋日咩都唔理化憤怒為煲碟力量睇足14集，感性嘅我起碼喊咗五集以上。不過，都冇睇“一公升眼淚”喊得咁勁。今朝一起身照鏡都比自己對腫眼嚇襯...
起牀後冇咩機會講嘢，返到公司一開聲以為大AL嚟咗， 我把聲...我把聲又沙啞又走音， 要出力先可以講到嘢，唔通狂煲成套“深情密碼”就會好似劇中女主角趙深深(朴思惠演)咁要啞足13年?我諗最開心應該喺德sir三父子囉!
尋晚一大班兄弟姊妹們去爆炸同咖喱嘅新居將軍澳廣場個club道BBQ. 起初我以為係喺個鐵pan上面煎個隻, 原來都喺用义义住燒, 咁就有番的BBQ嘅風味. 真喺多謝爆炸嘅爸爸同媽媽6點幾就同我哋霸爐, 啲男人去到第一時間緊喺去起火啦!....點知要攪咗差唔多8點先有得燒, 個火都算起得好正. (辛苦哂...喺同我個肚講咋....一早已經餓到咕咕聲....). 不過最美中不足嘅喺只可以燒到10點, 真喺到喉唔到肺, 無法啦因為喺正啲住宅下面.
最後都剩番好多嘢, 我諗爆炸同咖喱都有排先可以清得哂啲野食, 見到咁多肉都驚!!!
平日午餐肉一見到公仔麵就會打公仔麵。有一日，午餐肉見到意大利粉就打…點解呢?
今日去灣仔東園金閣慶祝李Sir榮升做警司, 李Sir私人豪咗支6L嘅紅酒,
見過咁大支紅酒未? 有成6L咁多, 足足比一支普通裝大6倍…好大碌呀!!!! 
今日臣哥入嚟我哋office無無聊聊吹咗幾句水。我個幾條蕉竟然吸引到減肥中嘅佢食咗條。本來我都諗住要請佢食多條先得喇…好多friend都話我個Google Search Bar 太低，詢眾要求張個Bar放番高啲位置。唉！我依個電腦白痴師奶又點會咁醒識攪喎!話哂臣哥都研究咗個adsence到天矇光，一定瞭如指掌喇。Gloria話最多請佢食多條蕉叫佢教我…..
哈哈！終於比我攪到lu…蕉都慳番….各位!依家喺唔喺好啲呢?
終於到了保齡比賽, 真的好緊張 ~~~ 以前讀書就話有參加啲乜鬼嘢運動比賽, 自從出咗嚟做嘢就已經好多好多年都冇參加過什麼比賽.
比賽喺奧海城二期, 現場氣氛好熱鬧, 有成二十幾間藥廠. 我打第二組7點到9點, (First team有Chris, Kelvin, Jackie, Maggie, 唔記咗添(後補), Second team有Ernst, Jeffrey, Martin, Johnny and me), 吓!我都喺第一次知道打保齡比賽喺限時間. 攪到個個人都更加緊張…其實我都同自己講擋練波咁打就得架啦….唉!都喺衰咗!
間間啲女隊員都喺打最後個個, 但喺我就打第一個個, 都唔知喺唔喺玩嘢, 攪到我壓力更加重….
第一局…冇眼睇囉!一百分都冇!真羞家…
第二局…好彩…都有156分…起碼對啲隊員有番啲交代…
第三局…以為第二局打順咗就會好啲啦!...點知…都喺咁差…一百分都冇!喺個一刻真喺想縮細自己…睇我唔到!睇我唔到!
個個基本上都打得好好, 喺我拖累哂整隊嘅分數….好彩有Ernst依個高手坐鎮, 佢好輕鬆咁就攞咗男子個人冠軍211分…女子個人冠軍就第二間藥廠182分…好勁呀!我哋Wyeth就攞全場第三名…成績都唔錯掛! 如果我保持平時練波嘅水準, 我諗都可以得第二名囉!真喺冇面面對佢哋….. 
終於用咗兩晚時間煲哂成套”深情密碼”(共28集)。 尋日咩都唔理化憤怒為煲碟力量睇足14集，感性嘅我起碼喊咗五集以上。不過，都冇睇“一公升眼淚”喊得咁勁。今朝一起身照鏡都比自己對腫眼嚇襯...
