睇完"深情密碼"會出唔到聲?

唔知點解每到月尾日子就會比人激到好唔開心，真喺準過個個月都嚟探訪嘅親戚。星期日晚比個位德sir激到爆燈，打爆個電話都接唔通，明知已經嬲到爆炸嘅我連同我講一聲sorry都冇。

個細仔星期二就開始測驗，重懶懶閒掛住玩，真喺皇帝唔急太監急。捉住佢温書就好似要佢上刑台咁，一個鐘先温到一板 (真喺嘔哂血)。由於前晚比德sir激襯，心情好差，我真喺驚自己控制唔住會出手車埋去。

終於用咗兩晚時間煲哂成套”深情密碼”(共28集)。 尋日咩都唔理化憤怒為煲碟力量睇足14集，感性嘅我起碼喊咗五集以上。不過，都冇睇“一公升眼淚”喊得咁勁。今朝一起身照鏡都比自己對腫眼嚇襯...

起牀後冇咩機會講嘢，返到公司一開聲以為大AL嚟咗， 我把聲...我把聲又沙啞又走音， 要出力先可以講到嘢，唔通狂煲成套“深情密碼”就會好似劇中女主角趙深深(朴思惠演)咁要啞足13年?我諗最開心應該喺德sir三父子囉!