依幾日真喺做到上氣唔接下氣, 真喺工作繁忙私事心煩. 紫微斗數話我今年會好亂, 點都要轉車. 有時真喺唔到你唔信, 都唔知下半年點過, 唉!
一把年幾又已經冇乜用腦嘅我, 諗住揾份安安定定嘅工作, 最好唔使用腦冇壓力, 份人工夠使, 唔使每個月攤開手板問人攞錢就已經好滿足. 但喺我條整定嘅辛苦命就真喺次次都喺摟轉唔到依個宿命. 好似Kelvin Leung話齋, 應命啦!
以為晨咁早嫁咗人就可以做個普通嘅少奶奶, 有人分擔吓喜怒哀樂, 點知...唉!嫁咗一個不聞不問, 成日用發脾氣嚟解決問題嘅人, 真喺心淡......仔就要生, 但喺就唔教唔理. 我諗...唔喺我一個人嘅責任掛!好想搬開住, 睇佢一個人點攪.....
今年真喺黑過墨豆, 打襯麻雀, 一贏三我都喺輸最多個個. 尋日無無聊聊捉咗兩個仔打番幾圏, 好彩都有贏唔喺就瘀死, 輸比兩個乳嗅未乾嘅細路真喺要出年先可以見啲雀友囉! 贏咗二十幾粒瓜子都補唔番間廠啦!
有時真喺唔喺迷信, 樣樣都可以改, 但喺條命就真喺冇得改, 應命啦!
1 comment:
我今年同妳都差唔多，以為轉到份工會安定o的，點知入到o黎未夠一年已經轉第3次環境，其實都有o的驚；屋企o個個就更加唔駛講啦，要講都搵律師傾傾好過~~
下次同妳o的仔打麻雀就預埋我啦，我都想贏返幾粒糖呀~~~
Post a Comment