未知去向

Dom 左兩年冇探過依個blog, 有啲陌生添. 好彩重識開番.

依幾年喺我暫時最唔開心最唔開心的日子, 每日都喺度諗可以點死點死, 死雖然未必可以解決問題, 但喺死咗可以逃避問題, 相反死唔去又會點? 死咗我啲仔又會點呢?

當初好天真咁以為有一生一世嘅婚姻, 原來日子一耐, 人會變人生觀都要變.....

二十幾年嘅感情唔知重剩番幾多呢? 又或者已經喺零.

好X煩好X亂

wow!!! Long time no see la...

正正年幾冇寫blog la...

依年幾又唔開心到開心, 又開心到唔開心, 又到開心變做死心真係...真係...要真真正正死心...

"O" 記 Annual Dinner

上星期五(Dec 7)喺〝O〞記Annual Dinner，當晚個主題喺「飛龍在天」，有列派嘅抽獎、好行嘅Karaoke比賽、一兩個冇大聊遊戲再加多項最佳服裝奬。本來我都冇諗住會穿著什麼中國式服裝，我咁矮又點著到旗袍呀！經過Annie慫恿之下就去咗利源西街買咗套“格格”衫嚟玩吓，想唔到竟然都攞到最佳服裝冠軍。

格格與流氓 中西合壁

亞媽我得咗喇！！

超值私房菜

上星期六一行八人(Peony & Cheong, Winnie & Kendy, Amy & Martin, Tak & me )去咗西貢大口村食私房菜為四個11月份生日嘅男人慶祝。用餐個地方喺喺一間村屋裏面露天嘅地方，真喺名副其實私房菜，所有菜色都喺個屋住同佢太太兩個準備，真喺唔可以睇少依位業餘廚師，佢個食譜藏書閣有成過百本咁多。
當晚個菜單：
帶子沙律 (有兩隻帶子，每隻都有一個乒乓波咁大)
***
龍虾湯
***
海鮮拼盤
***
香草羊架 和 砵酒牛柳
***
甜品 ~ 心太軟

每位HK$340 net(include 2支白酒)，簡直喺超哂值。

Peony 真喺好介紹...Thank you.....

http://www.slide.com/r/PJl3Z2eK6D8pnAVp07Tp9KbuFYr9eIY4?view=original

來去匆匆的好朋友 – Anita Lam

我們又見面了，原來一年嘅時間喺過得好快，回想番我哋由“富記”開始認識都已經十幾年，要維持一段咁長嘅友誼真喺唔容易，況且佢重移民去咗加拿大添，要講心底話真喺要等到頸都長。可惜佢近幾次番嚟都好鬼死忙，依道去，果道去，享受人生樂趣，真羨慕啊！！好彩佢今次都總算有時間同我食一餐lunch 同dinner。

尋晚相約埋Phyllis, Joyce & Iris去咗World Trade 4/F 嘅Rice Paper道 dinner，睇落大家都好似冇乜點變。剛剛新鮮滾熱辣出咗部SE嘅K850i，即刻可以第一時間試吓部機嘅住要賣點500萬像素影相喺唔喺會清啲先......

Party at WoolooMooloo

上個星期五公司攪咗個party 喺蘭桂芳嘅WoolooMooloo，入咗依間公司咁耐都喺第一次參加佢哋攪嘅party。整體上個氣氛都好好，原來個個放咗工之後都好玩得，在不講公事之下真喺好輕鬆，連同GM都可以講多兩句嘢添。

Our General Manager

其中五大美人

終於可以鬆一口氣

班Auditor 終於走咗，成班同事都可以鬆番一口氣。Auditor一嚟到就好似打仗咁，攪到啲氣氛鬼咁緊張，樣樣嘢都有咁密收咁密。連平時唔使OT嘅我，都要放假返公司開工，今次真喺報哂仇，好彩有OT claim番啫唔喺就蝕哂大本。我諗間間公司都喺一樣，啲嘢唔殺到埋身都唔做或者唔去理，通常都喺臨急抱佛腳，騰哂雞。

我要告誡

這幾天真的不好受，總是覺得將會很快爆大鑊，希望我是多疑吧！一時的放縱使我好有犯罪感，這個感覺真的不好受，但當時又冇法控制到自己，都喺酒精累事，呀！點算呀！

冇主孤魂

自從Mary臨走前張啲Accounts最煩嘅嘢比翻Finance做之後，真喺清閒咗好多。新老闆又臨時延遲一個星期先返工，我哋就好似一班冇主孤魂咁週圍游。不過最煩都喺個個人都走嚟問我依樣點個樣點，鬼知咩！我喺度得個幾個月，所知嘅嘢都喺有限公司加上喺Reception點做倒內部啲嘢呀！Mary又冇past過啲嘢比我。

終於到咗星期五，紫色咀嘅新老闆“Man”星期一返工，到時佢就有排煩lu。

燒咗兩日碳

放咗幾日假同啲仔去長洲住咗兩晚，燒咗兩日碳。雖然天氣唔喺太好，但喺天公對我哋都算唔錯。經朋友介紹去“永佳”租咗一間都幾清雅嘅渡假屋，地方都算幾大又有露台可以燒野食，開住部冷氣，一路睇電視一路燒，幾爽架！其實最主要都喺比啲去仔騎吓單車，因為長洲最好喺冇汽車，勝在比起市區安全，閒日人又少，真喺路路暢通，又可以去海灘玩吓，玩到成身濕哂就可以好快返到屋企沖涼，放便快捷。對啲小朋友嚟講好過參加什麼旅行團齋睇齋食，成日都喺shopping，又要限住哂啲時間去玩，佢哋一啲都唔會覺得享受。

快樂嘅時間總喺好快過，真喺好唔想返工……

你會是他或她嗎？(2)

我發覺我哋由幼稚園開始就玩爭櫈仔依個遊戲原來喺好有用架，去到邊用到邊，雖然未必需要學都會識，但喺速度先至喺最緊要嘛！

地鐵剛剛先到達，幕門同車箱門慢慢開緊嘅時候，門都未開到一半那個男人個身都已經入咗一半，快過哂身後啲人第一時間揾個位低，重同個友人講：對面有個位呀！個樣好似贏哂咁！架車慢慢離開準備去下一站。去到下個站個個男人同個朋友一齊起身落車！！！妖！使唔使爭呀？男人老狗，企一陣都唔怕死啦！何況站與站之間相隔都只喺得個兩分鐘左右。啲人~~爭吓都喺好，真喺吹漲！

散水飯

喺Oxxx做咗幾個月除咗第一日返工同我個亞姐-Mary食過一次飯之外，都未同過我部門啲同事食過飯。尋晚終於可以柴娃娃五丁友一齊去食散水飯farewell Mary，都係喺香港華商銀行會，總算有頭有尾。

你會是他或她嗎？(1)

由星期一至五每日都好似安裝咗程式咁做差唔多嘅動作。早上鬧鐘一響就好不願意懶住身體離開張牀，兩隻眼好難得先可以睜開少少走入洗手間，刷牙洗面洗頭，攪完一大輪都已經過哂鐘就急急腳走出門口。一入到地鐵車箱就嗱嗱啉揾個位坐咗先，爭取每一刻閉目養神，义翻半粒鐘都喺好，冇理由望住啲人腳望半粒鐘架….

當你搭緊車嘅其間，有冇發覺有好多種無功德心或者衰人喺你身邊？又或者自己就係其中之一個呢!當你好無聊又唔眼瞓嘅時候，留意吓其他人嘅行為或者可以比自己一個警惕，起碼做少咗一樣衰嘢先啦！

上個星期四放咗工冇街地例搭地鐵返歸，每逄星期四地鐵都有本Metro Life免費任攞。放工時間搭地鐵當然人多啦，不過喺中環上車就冇朝早咁好彩有位坐，焗住要同人迫，迫吓迫吓就入咗去車箱嘅中間。其實迫都唔緊要最緊要喺有嘢扶住，當架車窒吓窒吓嘅時候就唔會撞到人嘛!

點知有位樣貌清秀嘅女子，披著一把長髮，懶靚咁成個人挨咗喺條鐵柱度睇本Metro Life，有冇自私啲架，我同另外一個女仕都一面無奈，喺個一刻真喺想叫佢借開比啲位人扶吓，但喺車箱入面成棚人，如果佢當時嘅反應態度喺負面嘅！咁咪有機會會同佢一齊上you tube “兩名俏嬌娃在地鐵為條柱唉咬”！咪攪！好！我忍妳！喺跌跌吓嘅情況下過咗兩個站，佢終於懶靚咁離開咗個車箱。你話呀！就算妳有幾靚但喺冇功德心就已經扣哂分啦！顧及吓周圍環境呀嘛！車箱入面冇人任妳點挨都得啦。如果萬一真喺有人因為佢嘅自私行為而受到不必嘅損傷就唔好啦!

男士們！如果你哋要揾女朋友千奇唔好揾類同依種“自私精”，咪話我睇死佢，佢對你身邊啲家人同朋友未必好架!又或者你喺同佢一樣囉！

傳染病

近排間銀行好似染上辭職病毒，今日又收到風有四個同事唔DO，快到聽日已經有兩個last day添。唔通依度嘅工作環境真喺咁差？定喺出面嘅市道好咗好多？相比之下我真喺算好清閒既一個，雖然返工時間比正常長咗少少，總算都可以準時收工個隻。每日淨喺見到HR 不停咁Interview，佢唔覺得忙我都覺得忙啦！何況HR得one man band.

壞消息

尋日我個亞姐同我講咗個壞消息，佢做到今個月10號咋。我哋雖然相處咗只有五個月左右，但喺佢對我總算唔錯架，最少唔使我開OT，未夠鐘都叫我收工添，起碼佢唔會比第二啲部門"恰"到我哋先啦！有時我都要幫佢做啲Admin. work，但喺佢都唔會迫我好快交功課，大意嘅我做錯嘢佢都冇柄過我囉….唉!第日都唔知會請個乜水返嚟，大家都有啲擔心，正所謂一朝天子一朝臣。我驚到時唔止淨喺做Reception啲嘢~~~~~唔通真喺要提早返歸睇人面色受人氣？？

唔肥死就奇

一星期裡有人萬歲咗二次Haagen-Dazs雪糕，今次唔肥死就怪，又要食少幾粒米lu.....

又到月尾喇

一到月尾就有啲驚，唔知喺唔喺心理作用，次次吵大鑊都喺月尾開始。震~震~震~

沙巴 + 日本手信

星期六晚康樂會會長Edward吹雞去Horse & Groom 小敍(哈!冇諗過佢竟然冇比隻老虎行住喎!)。

當晚連收兩份手信，一份係Jessie去沙巴嘅茶葉手信，都未有時間問佢好唔好玩，一坐底就開始劈到尾。第二份係Brenda去日本嘅一包手信，袋仔細細，Woh!一拆開有啲嚇襯，裏面竟然有超過十樣物件，登登登登

哈利波特-鳳凰會的密令

原本尋晚同大佬食飯預早慶祝生日，點知Carol話比兩張免費戲飛我去AMCPP睇”哈利波特-鳳凰會的密令”，好衰嘅我就二話不說迫亞哥改期食飯。

約咗好有義氣嘅Annie陪我一齊睇。Woh！入場前每人重有一大包爆焀

同一支飲品，我就好啲放咗工即刻要飛撲去戲院連先食啲嘢打底都唔夠時間，都總算可以食到半包爆焀，咁大包真喺食到咀都wer埋。套戲都幾長兩個鐘有多，好彩我都冇恰眼瞓。起初我都驚會悶襯Annie架，因為佢一套都未睇過，未必知道個故事前因，好彩完場之後佢都話唔悶，不過咁大包爆焀就難頂啲….

第一次去AMC睇戲，間院唔算大，勝在坐位夠舒服，前排啲人頭一啲都遮唔到，好過UA啲戲院好多。

返到屋企一啲肚餓嘅感覺都冇，一來食爆焀都掙飽哂，二來比人激到一肚氣，咩都食唔落，早啲瞓覺好過。

好掛住張牀

依兩日真喺忙過不停，今日成日都已經好眼瞓啦，重要計一大堆數，做完之後真喺有啲虛脫嘅感覺。手頭上重有一大疊單要file，都唔知幾時先可以file得哂，Sudoku 生一定好掛住我喇。今日返到屋企一定要大覺瞓zzzzzzZZZZ

放下了心頭大石

終於到了派成績表嘅日子。由考試開始就担心到尋日驚個細仔升唔到班，好彩掹掹緊都升到三年級，真喺一額汗。今日又喺升中一派位放榜日，其實一早就已經預料到個大仔可以升上原校中學，但喺此終都要有張白紙黑字確實先可以安心。 依個暑假可以盡情咁放啦…..

一個月一次，問你攰未

依幾年嚟都唔知犯咗咩太歲，鬧咬好似啲月事咁一個月更有一次。就好似依排個天氣咁時好時壞。自從六月頭又勁吵一鑊之後，大家正處於冷淡嘅狀態，都好似冇咩計傾，一日都講唔到十句嘢。原來咁多年嘅相處大家都喺一舊雲，咁陌生，唔知沈默喺唔喺可以繼續渡過依段日子呢?

揀男朋友/老公就好似入咗間賭場想賭一舖，望渾全場揾到一張枱就嗱嗱啉坐低落注碼，博一博。曾幾何時有位J朋友問過我，有冇後悔過結婚，當時我嘅答案喺結婚就好似買大細一樣，都喺博一舖啫。可惜我冇諗過個張枱嘅賠率呢!就算比你贏咗原來個賠率喺少過一賠一，真喺浪費時間同精神又傷身。

已經好耐冇update 個blog lu....

唔經唔覺離開咗Wxxx工作都有四個月了。依家喺Oxxx Bank嘅工作量比起喺Wyeth真喺相差好大，依家真喺清閒好多，有時真喺會有啲悶架，好彩有Sudoku先生陪我。

今日喺大仔六年級嘅畢業禮，好想去參加呀！可惜大會只可以 比一位家長入場，我唯有等睇VCD啦!

唉!時間過得真喺快，回想返重喺黃毛丫頭嘅時候，最憎就喺細路仔，又噪又煩，但喺點都冇想過今時今日會生咗兩個仔出囉。這就是人生.....

玩大咗

又要面臨冇工人嘅日子

一早同啲仔去canteen食完早餐就自己一條冷去剪番個靚髮，中途無大聊打返屋企睇吓啲仔返到屋企未，點知打爆個手機屋企都冇人接電話，終於打到個仔嘅手機，原來兩個衰仔落咗街去咗彈波，個工人又唔喺同佢哋一齊，屋企又冇人聽電話，你話佢死鬼咗去邊？個大仔又支吾其詞，一時又話個工人喺屋企、一時又話個工人去緊接佢哋，聽到我火都嚟埋。

一早已經就唔喺好鍾意依個超有性格嘅工人，忍得到嘅我都唔出聲，隻眼開隻眼閉吞鬼咗落肚就算，哈！今次妳重唔斷正，越諗就越嬲，點可以任由我兩個仔落街。二話不說就call埋個agent返屋企問個夠竟，加埋我已經忍咗好耐冇出聲一次過同agent順便投訴埋，一鑊過炒哂出嚟。

事原喺個大仔一返到屋企就攞埋個家居手提電話落街，佢個死蠢以為喺街度都可以接到電話，我就會以為佢哋乖乖哋喺屋企，所以個工人喺屋企就聽唔到電話响，不過點都唔可以任由我啲仔自己落街又唔報寸架。佢比agent-Bonnie話咗幾句加埋簽咗份一個月之內如果表現冇改進就當已經比咗一個月通知可以即炒嘅warning letter。我條氣先至順番少少。之後就同Bonnie去下午茶吹水。

跟住未完，個工人之後話唔想再喺到做，因為簽咗封信就等於比人炒魷魚，不如自己先講唔做。嘩！我聽到之後開心都嚟唔切啦!我個心都已經想炒佢好耐，不過唔想攞咁多錢出嚟搞咁多嘢咋。

現今的小孩真幸福

依家啲細路仔真喺好幸福，啲父母會花盡心思同佢攪個生日派對，我哋嘅年代邊有咁幸福呃!我到依家個腦海裡面都冇小時後過生日啲片段，無聲無色咁就過咗十幾年先至話有個生日蛋糕切吓咋!

以前喺麥當勞度攪個生日會已經威威架啦，原來依家已進升到去啲會所度攪，重要比麥當勞有新意添。大仔二年級個陣個同學就喺香港鄉村俱樂部開生日會，細仔個同學尋日就喺深灣遊艇會開生日會，原來依家開切有關小朋友啲設施就一定有得做。

去到深灣遊艇會三樓嘅兒童夢幻樂園，我見到都嘩咗一聲，好似鄉下婆出城咁!地方雖然唔喺好大，但喺都足以比啲小朋友盡情去玩，連slide 都有幾款，有啲成兩層樓高45度角滑落嚟，睇落都幾刺激。唔好話啲小朋友玩到唔想走就連啲大人都忍唔住都去玩吓。重要就喺啲Booking喺一個接一個，爆哂!


其實依家賺小朋友錢真喺好容易，價錢幾貴父母都一定肯比。

白雪公主做型

一年一度嘅年會又到，上年喺中山倒數，今年就去珠海倒數，都唔知點解餐餐都要揀依啲咁嘅日子開會，攪到我兩年都冇得同啲仔一齊過除夕夜。今次重要玩咁大每個省都要表演一個節目添! 米玩啦!叫我哋依班金草演員上台演話劇，未睇都已經笑死人囉!

我哋一致決定表演雪姑五友，好彩Gloria班到成套服裝番嚟，咁就唔使咁頭痕。話時話我喺Wyeth都已經奉獻咗我兩次嘅第一次，第一次喺保齡球比賽，今次就喺上台表演。真喺我驚到時只喺掛住笑咩台詞都會唔記得哂。

雪姑依個角色都有三位後選人
有可愛嘅...
有硬朗嘅....
有嬌俏嘅....

終於打破宿命

由年初一開始賭乜都輸, 打麻雀連十蚊都未贏過, 以前連輸幾場麻雀我都未驚過, 但喺今次真喺輸到怕, 真喺打到謝哂!…啲雀友約襯都盡量避得就避…

今次真喺避唔到, 已經推咗好多次都要出席一次架, 以後手痕未冇得過手癮!

當我去緊會長屋企途中懷住戰戰驚驚嘅心情, 諗緊…唉!今晚又唔知要輸幾多, 坐底四方城死就死啦!

好彩今次終於打破宿命, 重見天日啦!真喺要多謝依排贏到開行嘅Peony過啲真氣比我, 比我有番啲做人嘅希望…. "掂呀"

“死亡筆記 - 最後的名字”

早兩日Blogger個server有事, 冇辦法發佈文章....依家補番....

11月3日星期五

上次同亞四一齊睇"死亡筆記"第一集，今次佢竟然另結新歡星期日約咗卡生同露姐嘆完個Brunch先去睇"死亡筆記 - 最後的名字"。好彩今次有亞二得閒陪我睇，亞四都算唔話得，用佢啲分數上網幫我哋訂飛之餘重同我哋去攞埋飛添。

“死亡筆記 - 最後的名字” ─ 估唔到全場竟然爆滿，成個劇情可以講話冇乜悶場都幾緊張。

9點幾睇完之後就去踩亞四同卡生場，去咗維園間巴西燒烤餐廳，宵夜價$68+10%，食物唔算好多，不過最低喺加$35红酒任飲，四個人一路吹水都起碼隊咗3至4支，飲到都有啲wing wing哋，傾到人哋要拉閘先肯散band。

睇完"深情密碼"會出唔到聲?

唔知點解每到月尾日子就會比人激到好唔開心，真喺準過個個月都嚟探訪嘅親戚。星期日晚比個位德sir激到爆燈，打爆個電話都接唔通，明知已經嬲到爆炸嘅我連同我講一聲sorry都冇。

個細仔星期二就開始測驗，重懶懶閒掛住玩，真喺皇帝唔急太監急。捉住佢温書就好似要佢上刑台咁，一個鐘先温到一板 (真喺嘔哂血)。由於前晚比德sir激襯，心情好差，我真喺驚自己控制唔住會出手車埋去。

終於用咗兩晚時間煲哂成套”深情密碼”(共28集)。 尋日咩都唔理化憤怒為煲碟力量睇足14集，感性嘅我起碼喊咗五集以上。不過，都冇睇“一公升眼淚”喊得咁勁。今朝一起身照鏡都比自己對腫眼嚇襯...

起牀後冇咩機會講嘢，返到公司一開聲以為大AL嚟咗， 我把聲...我把聲又沙啞又走音， 要出力先可以講到嘢，唔通狂煲成套“深情密碼”就會好似劇中女主角趙深深(朴思惠演)咁要啞足13年?我諗最開心應該喺德sir三父子囉!

BBQ

尋晚一大班兄弟姊妹們去爆炸同咖喱嘅新居將軍澳廣場個club道BBQ. 起初我以為係喺個鐵pan上面煎個隻, 原來都喺用义义住燒, 咁就有番的BBQ嘅風味. 真喺多謝爆炸嘅爸爸同媽媽6點幾就同我哋霸爐, 啲男人去到第一時間緊喺去起火啦!....點知要攪咗差唔多8點先有得燒, 個火都算起得好正. (辛苦哂...喺同我個肚講咋....一早已經餓到咕咕聲....). 不過最美中不足嘅喺只可以燒到10點, 真喺到喉唔到肺, 無法啦因為喺正啲住宅下面.

最後都剩番好多嘢, 我諗爆炸同咖喱都有排先可以清得哂啲野食, 見到咁多肉都驚!!!

猜謎語 - 兇惡的午餐肉

平日午餐肉一見到公仔麵就會打公仔麵。有一日，午餐肉見到意大利粉就打…點解呢?

6L裝嘅紅酒

今日去灣仔東園金閣慶祝李Sir榮升做警司, 李Sir私人豪咗支6L嘅紅酒, 見過咁大支紅酒未? 有成6L咁多, 足足比一支普通裝大6倍…好大碌呀!!!!

慳番一條蕉

今日臣哥入嚟我哋office無無聊聊吹咗幾句水。我個幾條蕉竟然吸引到減肥中嘅佢食咗條。本來我都諗住要請佢食多條先得喇…好多friend都話我個Google Search Bar 太低，詢眾要求張個Bar放番高啲位置。唉！我依個電腦白痴師奶又點會咁醒識攪喎!話哂臣哥都研究咗個adsence到天矇光，一定瞭如指掌喇。Gloria話最多請佢食多條蕉叫佢教我…..

哈哈！終於比我攪到lu…蕉都慳番….各位!依家喺唔喺好啲呢?

Death Note Episode 2 RAW- Part 1 (RAW)

睇Death Note, 唔會變碌木...